久违嘅粤语讲古

时间:2014-11-12 16:55:41 来源:信息时报 收藏

陈嫚 职员

  前两日,越秀区教育局喺越秀区少年宫举办一场粤语讲古大赛,之所以要用粤语来讲,系为咗令学生多了解广州本土文化。

  讲起来,究竟有几耐冇见过粤语讲古比赛呢?印象中,细个时我经常听电台嘅粤语讲古,讲嘅多数系武侠小说,低沉嘅中年男声配合好多白话俚语,加埋讲古佬又擅长把握情感,听起来真系好过瘾。以前学校、教育局经常举办各种讲古比赛,但都只能用普通话

  有人可能会话,学白话好易嗻,大个咗之后再学都唔迟。虽然话系咁讲,但系大个咗再学讲白话,就算发音地道,但识嘅俚语、俗语、谚语都有限,殊不知白话最趣致、最吸引人嘅地方,就系呢啲俚语、俗语、谚语了。而现实情况系,好多广州家庭本身系讲白话嘅,但为咗培养细路仔讲普通话,所以全家人陪住讲普通话,广州好多后生仔嘅父母、阿爷、阿嫲都讲白话,而佢反而唔识讲。

  系咪学咗普通话之后就学唔好白话呢?我睇未必。国外还多地方都系双母语,比如东南亚,一门系佢哋本地嘅语言,一门系英语,佢哋咪照样学得几好?香港都系,除咗白话之外,英语都系自细开始学,所以后生仔呢两门语言都讲得好,香港回归中国之后,香港人仲学埋普通话,依家越讲越正,我哋系咪可以学下佢哋啊?

围观: |责任编辑:

本文链接:

继续查看有关: 粤语讲古 | 的文章

若无特别注明,文章皆为粤语学习网-专业的粤语(广东话)学习网站事原创,转载请注明出处

你也可以分享到:
无觅关联推荐,快速提升流量

回到顶部
describe